BUTUAN CITY- Nagpabiling garbo sa Agusan del Sur si Elias Tabac, lumad sa Barangay Calaitan, Bayugan City, human makab-ot ang ika-9 nga puwesto sa 2026 Spartan Ultra World Championship nga gipahigayon sa Morzine, France.
Siya lamang ang nag-inusarang Asyano nga nakasulod sa Top 10 sa Men’s division nga gipangunahan sa mga elite endurance athletes gikan sa France ug Switzerland.
Nailhan si Tabac isip usa sa labing lig-on nga obstacle course racers sa kalibutan, nga nakapahimulos na og daghang Guinness World Records ug bag-ohay lang usab midaog sa Spartan Ultra Asian qualifiers sa Thailand ug Taiwan.
Dugang pa, siya usab ang athletics coach sa Agusan del Sur ug Caraga Region atol sa 2026 Palarong Pambansa.
Gipasalamatan usab ni Tabac si Gov. Santi Cane, Cong. Eddiebong Plaza, ug Cong. Alfel Bascug alang sa ilang padayon ug maligdong nga suporta sa athletics program sa lalawigan ug sa tanang mga atleta ug ilang mga pamilya.
