BUTUAN CITY – Gikostudiya na sa Butuan City Forensic Unit (BCFU) alang sa laboratory examination ang usa ka zip-lock transparent plastic sachet nga duna’y sulod nga gidudahang pina-ugang dahon sa marijuana nga gibana-banang mitimbang og 5-gramos ug nagkantidad og P600.00.
Kini nakuha gikan sa usa ka 16-anyos nga grade-11 nga estudyanteng residente sa Brgy Bading, diha sa entrada sa gate 4 sa Agusan National High School, sakop sa Brgy. Diego Silang ning siyudad sa Butuan kagahapon sa alas-12:30 sa hapon.
Daling gi-secure sa mga school authorities ang estudyante ug nangayo og police assistance gikan sa Butuan City Police Station kon BCPS-1 alang sa tukmang disposasyon.
Daling gidala ang nadakpang child in conflict with the law kon CICL ug ang nakumpiskang item ngadto sa BCPS-1 alang sa tukmang dokumentasyon ug disposisyon.
Gipahibalo na usab ang iyang mga ginikanan o legal guardians apil na ang City Social Welfare and Development (CSWD) Office aron maoy mu-atiman sa maong kaso.
