BUTUAN CITY – Gitapos na sa Switzerland ang ilang 88 ka tuig nga pagpaabot aron masakmit ang usa ka daug sa knockout stage sa World Cup.
Gipildi sa koponan ang Algeria sa katapusang match sa Round of 32 sa Vancouver, Canada, 2-0.
Sayu nga nagpakitang-gilas ang mga Swiss diin sa ika-napulong minuto pa lang sa dula, gelayon nga nakuha sa Switzerland ang 1-0 lead human mapasulod ni Breel Embolo ang usa ka paspas nga short-range shot sa tabang sa assist gikan sa ilang pambato nga si Johan Manzambi.
Gisulayan usab sa Algeria nga mobalos sa tumoy sa first half apan mas nalubong pa kini sa pagsulod sa second half.
Gipahimuslan ni Swiss defender Dan Ndoye ang hinay nga defense sa Algeria ug kalit nga napasulod sa ika-46 ka minuto ang ikaduhang goal sa Switzerland gikan sa tunga sa box, rasong misaka ang iskor sa 2-0.
Wala na nakaporma ang Algeria hangtud nga matapos ang dula bisan pa sa stoppage time.
Tungod niini, opisyal nang nakasulod ang Switzerland sa Round of 16 diin magpabilin sila sa Vancouver aron atubangon ang modaug tali sa Colombia ug Ghana sa umaabot nga Hulyo 7.
