BUTUAN CITY- Gikompirma sa Los Angeles County Medical Examiner nga mingtaliwan na ang kanhi child actress nga si Daveigh Chase sa edad nga 35-anyos, kinsa naila sa tingog ni Lilo sa Lilo & Stitch ug nagdala sa papel ni Samara sa The Ring, namatay ang aktress tungod sa sakit nga acquired immunodeficiency syndrome kon AIDS, samtang ang chronic polysubstance use gilista usab isip dakong hinungdan nga nakapalala sa iyang kahimtang.
Sa sayong bahin, ang iyang uyab nga si Roy Hernandez mingbutyag nga meningitis ug impeksiyon sa dugo nga misangpot sa sepsis ang hinungdan sa iyang pagpanaw, apan gipatin-aw sa opisyal nga report sa medical examiner ang pinal nga hinungdan sa iyang kamatayon.
Dugay nang wala sa industriya sa showbiz si Chase sukad 2016 ug nahinumduman tungod sa iyang mga bantugang papel sa Hollywood. .
