BUTUAN CITY – Wala’y dautan sa kalit nga panagtapok sa mga membro sa Iglesia ni Cristo kon INC kagahapon sa EDSA White Plains tungod kay igo lang nilang gipadayag ang ilang mga sentimiento batuk sa hiwi nga pamalakad sa gobyerno.
Sa eksklusibong pakighinabi sa Bombo Radyo Butuan, gipadayag ni Professor Gerry Caño, presidente sa Professional Criminology Association of the Philippines kon PCAP nga ang gihimo sa maong sekta, nagpakita lang sa ilang political force aron ipabati sa Malakanyang nga kinahanglan usab silang ikonsidera sa ilang mga bug-at nga desisyon.
Giklaro pa sa propesor nga sulod na sa pipila ka dekada, aktibong misalmot ang Iglesia ni Cristo sa political exercises sa nasud sa pagpili og mga government officials bisan na diha sa barangay elections.
Pila ka dekada na usab nga gipamatud-an sa maong sekta nga ang ilang paglambigit sa political exercises, gitumong lang sa paghatag og tinud-anay nga kalambuan sa katilingban ilabina sa katawhan.
