BUTUAN CITY – Gisupak sa Kabataan Partylist ang mga panawagan nga ubson ang minimum age sa criminal responsibility sa mga menor-de-edad nga nakahimo og ngilngig nga krimen.
Kini human sa pagpamusil sa duha ka estudyante sa San Jose National High School sa Tacloban City nga miresulta sa pagkamatay sa upat ka estudyante ug pagka-angol sa alin pang kinse.
Sa eksklusibong interview sa Bombo Radyo Butuan, gipadayag ni Kabataan Partylist Rep. Rene Co nga dili ang pagpangpriso o ang bug-at nga silot ang makakoriher sa ingon niini nga taras o pamatasan, kondili ang edukasyon ug rehabilitasyon.
Bisan pa man nga angay silotan sa ilang gibuhat, kinahanglan ipasabot sa ila ang ilang sayop, apan dili sila angay ipailalom sa mas gubot nga palibot sama sa prisohan kay sigurado nga mas mugrabe pa una ang ilang dili nila maayong taras sa umaabot nga panahon.
