BUTUAN CITY- Gitugotan sa Senate Impeachment Court Secretariat ang hangyo sa House Prosecution panel nga dugangan ang team nga magmarka alang sa Impeachment Trial batok kang Vice President Sara Duterte.
Sumala ni House Prosecution Spokesperson Atty. Benjamin “Jay” Tolosa Jr., upat ka marking teams ang ilang gitudlo alang sa mga dokumentong adunay kalabotan sa Confidential funds, duha usab niini alang sa hisgutanang unexplained wealth, gilugwayan usab hangtud alas 7 kagahapon sa gabie ang pagmarka ug karung adlawa aron mapadali ang proseso. Gisiguro sa Prosecution panel nga dili malangay ang pagsugod sa presentasyon sa mga testigo sa Hulyo 6.
Matud pa niini, nga gihimo nila ang tanan aron mahuman gilayon ang pagmarka sa mga ebidensya sa tabang sa dugang nga mga lakang nga gihatag sa Senate Secretariat. Na-impeach sa House of Representative si Vice President Sara Duterte niadtong buwan sa Mayo tungod sa mga alegasyong pagsupak sa constitution, graft and Corruption, pagpanuhol, betrayal of public trust ug uban pang mga bug-at nga mga kaso.
Niadtong Hunyo 1, mipasaka usab ang kampo sa Bise Presidente sa ilang tubag sa Articles of Impeachment ug minghangyo nga ibasura ang maong mga kaso.
