BUTUAN CITY- Personal nga gibisita ni World Health Organization kon WHO Director-General Tedros Adhanom Ghebreyesus ang bag-ong Ebola treatment center sa Bunia niadtong Mayo 31, 2026, samtang padayon ang pinakabag-ong outbreak sa Democratic Republic of Congo nga nakaparehistro na og 1,003 ka kaso ug 254 ka pagkamatay, base sa datos sa National Institute of Public Health (INSP).
Ang outbreak nga giila kaniadtong Mayo 15 naggikan sa Bundibugyo strain, usa ka talagsaon nga porma sa Ebola nga walay bakuna o espesipikong tambal, ug giila na sa WHO isip international public health emergency. Kasagaran sa mga kaso anaa sa probinsya sa Ituri ug naapektuhan usab ang North Kivu ug South Kivu nga adunay kapin 15 milyon nga residente.
Sa Uganda, 20 ka kaso ug duha ka pagkamatay ang natala, apan sumala sa Kampala, kontrolado ang sitwasyon. Ang WHO nagpasidaan nga ang outbreak mahimong molungtad og pila ka bulan samtang padayon ang pagsusi aron masuta kung unsaon aron mapugngan ang pagkaylap sa maong sakit.
