BUTUAN CITY- Giklaro sa Juvenile Justice and Welfare Council kon JJWC nga dili dapat basta buhi-an ang mga minor nga suspect sa makalilisang nga pagpamusil sa usa ka high school compound sa Tacloban City.
Pagklaro ni JJWC Executive Director Tricia Clare Oco, nga ubos sa Juvenile Justice Law sa nasud adunay tulobagon gihapon ang mga suspect bisan ang mga niini puros mga minor.
Kung mapamarud-an matud pa nga ang mga suspect minghimo og krimen pinaagi sa husto nga discernment process, posible gihapon kining mag-atubang sa conditional criminal liability.
Sa pagkakaron, kinahanglan usa nga mo-agi ang mga suspek sa hustong intervention programs o mabutang ubos sa detention base sa legal procedures ug sa pagdagan sa case developments.
Gipanghimakak usab ni Atty. Oco ang dayag nga public opinion nga posible lang pagawason ang mga suspect nga walay tulobagon.
