BUTUAN CITY- Labing menos unom ka tawo ang namatay ug daghan pa ang angol sa pinakabag-ong serye sa mga pag-atake tali sa Russia ug Ukraine. Sumala sa mga otoridad sa Russia, 84 ka drone ang napukan sa palibot sa Moscow sulod sa 24 oras, samtang kapin sa 300 ka drone usab ang giingong napugngan sa nasodnong depensa.
Giangkon sa Ukraine nga ilang gitarget ang usa ka satellite communications center duol sa Moscow isip bahin sa ilang operasyon. Sa Ukraine, namatay ang usa ka 13-anyos nga batang lalaki, iyang amahan ug lola sa rehiyon sa Sumy, samtang duha pa ka tawo ang namatay sa drone attacks sa Zaporizhzhia ug usa pa sa missile strike sa Odesa.
Samtang nagpadayon ang panagbangi, naigo usab sa Russian drones ang cargo vessel nga Victress sa Black Sea, hinungdan sa kamatayon sa usa ka tripulante ug kadaot sa barko
