BUTUAN CITY- Personal nga gibista ni Vice President Sara Duterte kagahapong adlawa Domingo ang mga residente nga naapektuhan sa magnitude 7.8 nga linog nga ming-igo sa Mindanao aron suta-on ang ilang kahimang ug panginahanglanon.
Sa usa ka pahayag sa social media, sigon ni VP Sara nga una niining gibista ang Barangay Nuing sa Jose Abad Santos aron personal nga kamustahin ang mga apektadong pamilya ug sigurohong mahatod ang gikinahanglang tabang sa komunidad. Sumala sa Office of the Vice President kon OVP, nga minghatag usab ang Bise Presidente og ayuda sa mga residenteng na-apektuhan sa kusog nga pagtay-og.
Human ang pagbisita sa Davao Occidental, mingdiretso usab si VP Sara sa Sarangani Municipal Hospital ug sa usa ka evacuation center sa Barangay Mabila sa Balut Island aron susihon ang kahimtang sa mga evacuee ug mga pasyenteng na-apektuhan sa katalagman.
Gi-adto usab sa Bise Presidente ang Glan, kung asa nahinabi niini ang mga pamilyang mingbakwit ug temporaryong nagmintinar sa Glan Tent City evacuation site. Gibista usab niini ang mga pasyenteng gitambalan sa Philippine Emergency Medical Assistance Team Field Hospital.
