BUTUAN CITY- Nagtaas og interest rate ang Banko Sentral ng Pilipinas kon BSP ohg 25 basis points hinungdan nga pagsaka sa 4.75% ang nag-unang policy rate niini. Dungan niini, gisaka usab ang interest rate alang sa overnight deposit ug lending facilities sa 4.25% ug 5.25%. Sumala sa Banko Sentral ng PIlipinas, nga gihimo ang maong lakang tungod nagpabiling taas ang inflation ug pagsaka sa presyo sa mga palaliton.
Dako usab ang epekto sa taas nga presyo sa lana, abono ug ang pagsaka o pagmahal sa pagkaon ug sa pamasahe. Bisan paman nga miingkunhod sa 6.28% ang inflation niadtong Mayo mas taas gihapon kini sa target sa Central Bank nga 2% hangtud 4%. Kini na usab ang ika-3 nga sunod-sunod nga buwan nga minglapas ang inflation sa target range. Sigon sa BSP, gilamang magpabiling taas ang inflation sa 2026 ug 2027 ug posibleng mo balik lang duol sa target nga 3% pag-abot sa 2028.
Kini na ang ika-duhang interest hike sa Banko Sentral ng Pilipinas karung tuig. Tumong niining pahinayon ang paggastos sa mga consumers ug sa negosyo, aron makatabang sa pagkontrol sa padayon nga pagsaka sa persyo sa mga palaliton.
