BUTUAN CITY- Possible matud pang hisgutan nila President Ferdinand Marcos Jr. ug Russian President Vladimir Putin ang pagtukod og floating nuclear power plant sa Pilipinas.
Kini taliwa sa wala pa paggamit sa nasud og nuclear energy sa kasamtangang energy mix.
Sumala ni Philippine Ambassador to Russia Igor Bailen, dugay nang gi-duso ni President Marcos ang pagpasulod sa Pilipinas sa nuclear energy aron mapalungtad ang energy sector.
Posible usab matud pang hisgutan sa Presidente ang paggamit og small nuclear modular reactors, tungod na-ila ang Russia sa maong teknolohiya.
Gihisgutan usab Bailen nga ang Russia ang pinaka-unang nasud nga nagmalampusong minggamit sa maong teknolohiyang, mao nga dako ang posibilidad nga dili palabyon sa Presidente ang higayon aron iduso ang proyekto.
Sa unang tulo ka tuig sa administrasyon ni President Marcos, napasar ang Philippine National Nuclear Energy Safety Act kon Republic Act 12305 nga nagpalig-on sa independent Philippine Atomic Energy Regulatory Authority kon PhilATOM.
Tumong sa administrasyon nga matukod ug mapadagan ang unang nuclear plant sa nasud pag-abot sa 2032.
