BUTUAN CITY- Ipatawag usab sa Philippine National Police – Criminal Investigation and Detection Group kon PNP-CIDG ang mga first responder nga mitabang sa insidente sa pagkalumos sa mga Ateneo basketball players nga sila Rene Baterbonia ug Divine Adili isip kabahin sa nagpadayong imbestigasyon.
Sumala ni Camp Crame, CIDG director Maj. Gen. Robert Morico II, kapin 48 ka indibidwal na ang gipadad-an og subpoena, lakip ang mga first responder, human mibuto ang alegasyon nga adunay pulso pa si Adili sa dihang nakuha kini gikan sa tubig ug gidala sa ospital. Gisusi usab sa CIDG ang mga taho, nga mga estudyante ug pipila ka coaching staff ang unang mihimo sa rescue operation.
Ang duha ka player namatay human malunod sa kusog nga balod atol sa usa ka training exercise sa Dipaculao niadtong Hunyo 8. Base sa post-mortem examination si Baterbonia namatay tungod sa pagkalumos, samtang naghulat pa ang mga awtoridad sa dugang impormasyon bahin kang Adili, kansang pamilya pinaagi sa Embassy of Nigeria in Manila nangayo og autopsy adiser iuli ang iyang lawas ngadto sa Nigeria. Gilauman usab nga moanhi sa Pilipinas ang amahan ni Adili aron makigtambayayong sa imbestigasyon.
