BUTUAN CITY- Usa patay ug 4 angol human ming-igo ang magnitude 6.3 nga linog sa amihanan-kasadpang lalawigan sa Qinghai, China niadtong Hunyo 16.
Base sa China Earthquake Networks Centre, maintay-og ang linog sa usa ka taas nga lugar sa Haixi prefecture sa may alas-5:06 sa hapon (oras sa Beijing). Adunay giladmon kining 10 kilometro, nga gi-ilang mabaw ug kasagaring masinati ang epekto ibabaw sa yuta.
Sumala sa China’s state broadcaster, labing minus 320 ka personnel ang gipangkatap alang sa search and rescue operations.
Nagpabiling hapsay usab ang operasyon sa mga kalsada, komunikasyon, tubig, ug kuryente sulod sa 50 kilometro gikan sa epicenter sa linog. Bisan paman, padayon gihapon ang gihimong imbestigasyon kalabot sa gilapdon sa kadaot.
Gipangbalhin na usab ang mga trabahante sa silingang minahan sa carbon alang sa kaluwasan, samtang gisusi sa mga awtoridad ang kinatibuk-ang kadaot sa mga residente sa maong lugar.
Natala usab ang kapin dosena nga aftershocks human ang linog, lakip ang usa nga adunay gikusgong magnitude 4.9, kansa nakahatag og dugang kabalaka sa mga residente ug rescue teams.
