BUTUAN CITY- Nasikop sa Butuan City Police Office ang tulo ka street-level individuals ug nakarekober og kapin 12.7 gramos nga gituohang shabu nga nagkantidad og P86,360 atol sa Simultaneous Anti-Criminality Law Enforcement Operations kon SACLEO nga gihimo gikan Hunyo 11 hangtod Hunyo 15, 2026.
Sa sunod-sunod nga anti-illegal drugs operations sa mga barangay sa Butuan City, nadakpan ang tulo ka mga suspek nga nailhan lamang sa ilang mga alyas, diin asa unang nasikop si Alias Jen sa Barangay Baan KM3 kauban sa 7 gramos nga shabu nga nagkantidad og P47,600, gisundan dayon ni alyas El nga nakuhaan og 0.70 ka gramos nga shabu nga nag kantidad usab og P4,760 ug pagka June 15 dinhi usab nasikop si Alyas Rodel sa may Brgy. Fort Poyohon, nga mingresulta sa pagkakupiska sa 5 grams nga shabu nag kantidad og P34,000.
Ang mga operasyon gipahigayon sa koordinasyon sa nagkadaiyang yunit sa kapulisan ug mga ahensya nga nagpatuman sa balaod batok sa ilegal nga droga. Sa pagkakaron, ang tanan nga nadakpan nga mga suspek nag-atubang na og kasong paglapas sa Section 5, Article II of Republic Act No. 9165 o Comprehensive Dangerous Drugs Act of 2002.
