BUTUAN CITY- Aktibong mingsubay ug nanan-aw usab ang mga Pilipino sa Mexico sa mga match sa FIFA World Cup 2026.
Sumala sa Philippines Embassy in Mexico First Secretary and Consul Ralf Roldan, daghan sa mga Pilipino ang malipayong nanan-aw sa mga gitudlong public viewing center, kauban ang mga Mexican.
Pagklaro sa PH consul, ang football usa ka dakong sports sa Mexico ug halos tanang mga katawhan sa maong lugar interesadong hisgutan kini sa mga normal conversation.
Tungod niini, daghan sa mga Pinoy matud pa ang na-enganyong ming-adto sa mga viewing center, manan-aw sa mga pasilidad kung asa sila nagtrabaho, ug makitan-aw sa ilang mga kaela.
Sa kasamtangan, anaa sa ‘celebratory mood’ matud pa gihapon ang Mexican human sa ilang malampusong kadaogan niadtong opisyal nga nagbukas ang hosting sa Mexico niadtong miaging simana.
Ang nasud nga Mexico usa sa tulo ka nasud nga nagsilbing host sa FIFA World Cup.
Sigon ni Consul Rodan, nagpabiling lig-on ang gipangkatag nga seguridad sa kinatibuk-an sa maong nasud, lakip ang mga serye sa kilos protesta sa mga kalsada nga gidungan sa hosting niini sa FIFA.
