BUTUAN CITY – Nagpahimangno ang mga ekonomista ug mga membro sa akademya nga posiblegn maghatag og negatibong epekto sa ekonomiya ang wala pa’y klarong napanubag sa lapad nga kurapsyon sa nasud, apil na ang padayong init nga bangi sa pulitika nga naghatud og kawala’y kasiguraduhan sa kagamhanan.
Sigon ni economic scholar Herkurt Tamba, maka-apekto sa pagdesisyon sa mga foreign investors ang dili lig-ong kagamhanan sama sa isyu sa liderato sa Senado ug ang impeachment proceedings batuk kang Vice President Sara Duterte.
Mahimo matud pa kining maghatag og pagduha-duha sa mga local ug foreign investors ilabina nga importante alang sa mga negosyante ang pagbaton og lig-ong liderato sa gobyerno alang sa ilang kumpyansa.
Taliwa niini, mag-agad pa gihapon sa mahimong dagan sa mga panghitabo ang kakapas sa mga institusyon sa gobyerno nga mamintina ang kahapsay ug masunod ang balaud sa nasud.
