BUTUAN CITY- Hired on the Spot ang 153 ka aplikante sa simultaneous DOLE Trabaho Agad Job Fair nga gihimo sa tulo ka probinsya sa Caraga Region kagahapong adlawa Hunyo 12 isip kabahin sa pagsaulog sa ika-128 nga Adlaw sa Kagawasan sa Pilipinas.
Sa kinatibuk-an, 826 ka jobseekers ang narehistro sa maong kalihokan nga gipahigayon sa Agusan del Norte, Agusan del Sur ug Surigao del Norte, diin 18.5 porsyento ang nadawat dayon sa trabaho alang sa nagkadaiyang posisyon sama sa magtutudlo, service crew, cashier, office staff, accounting staff, consultant ug drayber.
Gitambongan usab sa 75 ka lokal ug overseas employers ang job fair nga nagtanyag og dul-an sa 9,000 ka bakanteng trabaho. Gawas sa recruitment activities, kapin sa 1,100 ka indibidwal ang nakapahimulos sa serbisyo sa One-Stop Shop nga gisuportahan sa 13 ka ahensya sa gobyerno, samtang ang Kadiwa ng Pangulo nakarekord og ₱26,087 nga kita.
Sumala sa Department of Labor and Employment kon DOLE, ang programa nagtumong sa pagduol sa mga oportunidad sa trabaho ngadto sa mga komunidad ug pagpalapad sa akses sa panarbaho alang sa mga Pilipino.
