BUTUAN CITY- Pormal ng gipa-ila sa House Prosecution Panel kagahapong adlawa ang unang batch sa mga beteranong private prosecutors nga mahimong kauban sa impeachment trial ni Vice President Sara Duterte sa Senado.
Sumala ni House Committee on Justice Chairperson ug lead prosecutor Gerville “Jinky Bitrics” Luistro, gimugna ang fisrt batch sa mga iladong litigator, kanhi opisyal sa gobyerno, ug mga legal academic kansa nagbolotaryo nga mahimong pro bono o walay bayad.
Lakip sa mga gipa-ilang abogado sila kanhi assistant presidential legal counsel Marforth Fua sa PECABAR Law, veteran trial lawyer Lorna Kapunan sa Kapunan and Castillo Law Offices, ug UP College of Law lecturer Amando Virgil Ligutan sa SALiGAL Law.
Lakip sa mga grupo si Atty. Erwin Matib, Atty. Justine Anne Lamarca, Atty. James Bryan Ibrahim, Atty. Sonya Margarita Benemerito Castillo, Atty. Deanne Melissa Lorenzo-Singian, Atty. Bettina Zamora, ug Atty. Lino Chris Kapunan.
Sigon usab sa House prosecutor ug Akbayan Party-list Rep. Jose Manuel “Chel” Diokno, dako ang matabang sa mga pribadong abogado sa pagplastar sa mga ebidensya ug pagpangandam sa mga testigo adiser i-presentar sa Senado.
Gihisgutan usab ni Diokno nga parte na kini sa tradisyon sa nasud sama sa nahimonh papel niini isip volunteer prosecutor nidatong impeachment trial ni kanhi President Joseph Estrada.
Giklaro usab sa lider sa panel nga magpabiling ubos sa direktang kontrol ug superbisyon sa House prosecution panel ang mga mosulod nga pribadong abogado subay sa mga lagda sa impeachment.
Gilaoman usab nga magpa-ila pa ang Kamara sa next batch sa mga private prosecutors sa umalabot nga simana adiser magsugod ang pagtaral.
