-- ADVERTISEMENT --
BUTUAN CITY- Nagpadayon ang grabeng pag-atake sa Israel sa Lebanon human sa usa ka air strike nga ming-igo sa sentro sa Sidon, kung asa nakita ang mga nasunog nga sakyanan ug mga emergency responder nga naglihok sa lugar.
Sumala sa mga taho, labing menos duha ka tawo ang namatay sa pagpamomba. Samtang, nagpadayon usab ang dagkong pag-atake sa Israel sa siyudad sa Tyre, ang kinadak-ang lungsod sa habagatang Lebanon. Tungod sa kahadlok ug nagkagrabeng kahimtang sa seguridad, daghang residente ang napugos sa pagbiya sa ilang mga panimalay.
Sa laing bahin, gitaho sa Lebanon National News Agency nga labing menos 13 ka tawo ang namatay ug 15 ang nasamdan sa mga air strike sa habagatang bahin sa nasod niadtong Miyerkules
