BUTUAN CITY – Gibakwi na sa Department of Agriculture (DA) ang temporary ban sa importasyon sa poultry gikan sa Argentina human nasulbad na sa maong nasud ang outbreak sa bird flu (HPAI) ug wala na’y bag-ong kaso nga natala, base sa report sa ilang veterinary authorities ug sa World Organization for Animal Health.
Sumala sa DA, pwede na usab i-import gikan sa Argentina ang live poultry, karne sa manok, day-old chicks, itlog, ug semen sa manok, basta mosunod sa kasamtangang regulasyon.
Madumdumang gipahunong sa DA ang importasyon tungod sa bird flu outbreak nga nmi-igo sa Buenos Aires niadtong Pebrero, busa na-apektuhan ang ilang poultry products.
Karon, gibutyag sa DA nga gamay na ang risgo sa kontaminasyon, mao nga gitugotan na pag-usab ang importasyon sa poultry gikan sa Argentina.
