BUTUAN CITY – Padayon pang gisuta sa mga otoridad ang posibleng damyos nga hatud sa magnitude 7.8 nga linog nga mitay-og kaganinang alas-7:37 sa buntag kansang epicenter nasubay sa gilay-ong 12-kilometros sa kasadpang bahin sa Maasim, Sarangani Province nga duna’y giladmong 10-kilometros kansa tectonic ang origin.
Alayon niini, natala ng intensity VII sa siyudad sa General Santos samtang intensity VI usab sa mga lungsod sa Palimbang ug Senator Ninoy Aquino sa Sultan Kudarat samtang intensity V sa Davao City ug Kidapawan City apil na sa lungsod sa Carmen, lalawigan sa Cotabato apil na ang Bagumbayan, Kalamansig, ug President Quirino sa Sultan Kudarat; mga lungsod sa Sibuco ug Siocon sa Zamboanga del Norte.
Samtang intensity IV usab sa Mati City sa Davao Oriental; lungsod sa Buog sa Zamboanga Sibugay ingon man ang mga lungsod sa Caraga, Manay ug Tarragona sa Davao Oriental.
Intensity III ysab ang nabati dinhi sa dakbayan sa Butuan apil na sa lungsod sa Mainit, Surigao del Norte ug sa Dapitan City.
Intensity II sa Dipolog City; apil na sa mga lungsod sa Labason, Lilou, President Manuel A. Roxas ug salug sa Zamboanga del Norte; mga lungsod sa Alicia, Ipil, Mabuhay, Olutanga ug Siay sa Samboanga Sibugay apil na sa Molave, Zamboanga del Sur ingon man sa Abuyog ug Dulag sa Leyte ug san Francisco sa Southern Leyte.
