BUTUAN CITY- Gi-ila ni Senador Loren Legarda nga “unconstitutional” o supak sa Konstitusyon ug walay bisa ang nahitabong pag-shuffle sa liderato sa Senado niadtong Miyerkules, Hunyo 3, 2026.
Sa iyang opisyal nga video statement, giahatagan og gibug-aton sa senadora nag supak sa balaod ang pagbutang kang Senator Sherwin Gatchalian isip Senate President Pro Tempore ug ingon man isip Acting Senate President.
Sumala ni Legarda, dili pwedeng pag-elect og bag-ong opisyal ang bag-ong mayoryang grupo tugod pakyas silang makuha ang igo nga ihap sa boto nga gitakda sa balaod.
Gipresentar sa senadora ang mga legal nga basehan kung ngano nga dili angay ilhon ang bag-ong liderato
Matud pa niini, subay sa Article VI, Section 16 sa 1987 Constitution ug Rule II, Section 2 sa Rules of the Senate, gikinahanglan ang mayoryang boto sa tanang miyembro niini aron makapili og opisyal. Tungod adunay 24 ka senador sa nasud, ang mayorya bugti sa 13 ka boto.
Sigon sa magbabalaod 12 ka senador lang ang mingbotae sa nahitabong sesyon, hinungdan nga walay legal nga gamon ang mga niini nga mag-apruba og unsa mang re-organisasyon.
Gi-insistar usab ni Legarda nga supak sa konstitusyon ang pagdeklarang bakante ug pagtudlo og mga chairperson sa pipila ka committee Senado.
Samtang, gibotyag usab ni Legarda nga ang nahimong basehan sa minorya nga Avelino v. Cuenco sa pag-takeover sa Senado nakabase pa sa 1935 Constitution. Gani, karaan na matud pa ang maong prinsipyo tungod aduna nay 1987 Constitution nga naglatid na sa kasamtangang mga lagda.
Gipasiugda usab niini nga siya gihapon ang lehitimong Senate President Pro Tempore hangtud walay legal nga basehan ang pagpalagpot niini o diskwalipikasyon.
