BUTUAN CITY-Nakadawat og daghang kritisismo gikan sa mga ginikanan ang unang mga lagda sa paggamit og artificial intelligence kon AI sa pampublikong eskwelahan sa New York City, diin gi-ila sa mga niini nga kulang ug dili igo ang gi-isyung giya sa sistema sa edukasyon.
Ang framework naggamit og “traffic light system” kung asa ang red light alang sa pagpugong sa grado sa mga estudyante o failed ug pagdesisyon sa ilang akademikong direksyon, yellow light nga nagtawag alang sa careful judgment ug nagtugot sa mga estudyante nga mogamit og AI alang sa research, exploration ug creative projects ug ingon man ang Green light nga nagpasabot og pass o pasar.
Apan daghang ginikanan ug mga organisasyon ang nanawagan og duha ka tuig nga moratorium sa paggamit og AI sa mga eskwelahan, kansa nagbangon sa mga kabalaka kalabot sa epekto niini sa mental health, cognitive development, ug environmental damage.
Samtang misaad ang Department of Education nga magpagawas pa og mas detalyadong giya karong tuiga ug gi-awhag sa union ang mga magtutudlo sa mas hugot nga limitasyon sa paggamit sa AI ug screen time, ilabi na sa mga gagmay’ng estudyante, aron masiguro nga ang kaayohan sa mga kabatan-onan maoy unahon kumpara sa interes sa industriya sa teknolohiya.
