BUTUAN CITY- Giberipika na sa National Bureau of Investigation kon NBI ang taho nga nasigpatan si Senador Ronald dela Rosa sa usa ka yate padulong sa wala gihinganlang probinsya.
Sumala ni NBI Director Melvin Matibag, nga posibleng tumong sa maong taho nga libogon ang mga awtoridad nga naka-assign sa pagdakop sa senador.
Kini taliwa sa gi-atubang niining arrest warrant gikan sa International Criminal Court kon ICC adunay kalabotan sa iyang nahimong papel sa dugo-ong war on drugs sa Duterte administration.
Sigon ni Matibag nga posibleng gi-lingla lang sila
Kahinumduman, sukad niadtong nataho nga minglakaw sa Senado si dela Rosa niadtong Mayo 14, pila ka oras human nahitabo ang pagpamusil sa premises sa Senado, wala na kini magpakita pa sa publiko.
Sa pagkakakron nagpadayon ang nationwide manhunt kang dela Rosa.
Padayon usab nga gibarogan sa kampo ni dela Rosa nga wlaa nila gi-ila ang hurisdiksyon sa International Criminal Court tungod mingbuhi na ang Pilipinas sa Rome Statute. Pag-insistar pa sa mga niini, nga kinahanglan una nila nga mo-agi ug magpagawas og kaugalingong warrant ang lokal nga korte sa Pilipinas adiser kini ma-aresto.
