BUTUAN CITY – Gipahayag sa Philippine Statistics Authority (PSA) nga mihinay ang inflation rate sa nasud sa 6.8% niadtong Mayo 2026, gikan sa 7.2% niadtong Abril 2026.
Sumala sa taho, ang pagkunhod tungod sa mas hinay nga pagtaas sa presyo sa pagkaon, ilabina na sa bugas, gulay, ug karne, lakip na ang mas ubos nga singil sa kuryente ug pipila ka serbisyo.
Bisan og nagpabiling taas kumpara sa target range sa Bangko Sentral ng Pilipinas (BSP) nga 2% hangtud 4%, gikonsidera sa mga ekonomista nga positibong senyales ang inanay nga paghinay sa inflation.
Sa datos sa PSA, ang food inflation mikunhod sa 8.5% gikan sa 9.1% niadtong Abril samtang ang non-food items sama sa transportasyon ug housing utilities nagpakita usab og mas hinay nga pag-usbaw.
Sigon sa BSP nga padayon nilang bantayan ang presyo sa lana sa pangkalibutanong merkado ug epekto sa El Niño nga dunay epekto sa suplay sa pagkaon.
