BUTUAN CITY- Hugot nga gi-insistar sa Integrated Bar of the Philippines kon IBP nga legal ug valid ang gihimong sesyon sa Senado niadtong Hunyo 3, subay sa mga mingkwestyon sa validity niini sa maong quorum.
Sa usa ka pamahayag, sigon sa IBP nga nakabase ang ilang posisyon sa desisyon sa Korte Suprema sa kasong Avelino v. Cuenco niadtong 1949.
Sumala sa organisasyon, ang tanang aksyon, resolusyon, ug desisyong gihimo sa sesyon—lakip ang pagkapili kang Sen. Sherwin Gatchalian isip Senate President Pro Tempore ug ang pagtudlo sa mga bagong lider sa komite gi-ilang opisyal ug adunay bisa.
Pagklaro pa sa IBP nga igo ang presensya sa 12 senadors aron adunay quorum tungod adunay duha ka senador nga wala gi-ilang available aron himuon ang ilang responsibilidad sa Senado.
Lakip niini si Sen. Jinggoy Estrada, kinsa kasamtangang nakaditine tungod sa kasong plunder, ug si Sen. Ronald ‘Bato’ Dela Rosa, kinsa wala pa masuta kung asa.
Tungod niini, 22 lang ang gi-ilang available nga miyembro sa Senado, ug ang presensya sa 12 senadors igo na aron makamugna og quorum.
Nagsugod ang hisgutanan human mingtambong na usab sa plenary session ang Majority bloc nga gipanguluhan ni Senate President Alan Peter Cayetano. Bisan paman, mingtambong si Sen. Francis ”Chiz” Escudero ug ming-uban sa 11 ka miyembro sa minorya, hinungdan aron makumpleto ang gikinahanglang ihap alang sa quorum.
Sa managlahing pamahayag, sigon sa kampo ni Gatchalian nga ang quorum kinahanglang ibase sa ihap sa mga senador nga adunay katahom nga himuon ang ilang mga responsibilidad.
Matud pa, nahi-uyon kini sa nahimong interpretasyon sa Korte Suprema nga ang 12 ka miyembro gikan sa kinatibuk-ang 23 ka senador nga posibleng mo-mogna og constitutional majority alang sa quorum sa Senado.
