BUTUAN CITY – Gimanduan karon sa High Court sa Kenya ang ilang gobyerno nga ipagawas ang mga detalye sa gisugyot nga Ebola quarantine facility kansa gikutay nadto sa Estados Unidos.
Gipagawas ang maong kamanduan, usa ka adlaw human nagprotesta sa kadalanan sa lungsod sa Nanyuki ang katawhan aron iprotesta ang giplanuhang site.
Nasayrang duha ka mga tawo ang patay sa pagpamusil ning mi-aging adlaw nga gilangkuban ni protest organiser Patrick Wahome ug usa ka security source.
Gilugwayan usab ang conservatory orders nga magpahunong sa pag-establisar sa bisan unsa mang Ebola quarantine, isolation o kaha treatment facility sa Kenya ug did-an ang pagpa-admit sa mga indibidwal nga na-exposed ngadto sa virus.
Gimanduan usab niini ang ilang cabinet secretary for health nga ipakita sa publiko ang mga agreement details, apil na ang mga health ug biosafety assessments, regulatory approvals ingon man operational protocols.
Una nang gimanduan sa High Court ang gobyerno nga temporaryong isuspende ang plano human naduso ang reklamo nga ang maong site maghatag og delikado sa panglawas sa publiko.
Gibutyag na usab sa mga senior US officials nga ang 50-bed unit sa usa ka air force base sa Laikipia County, magserbisyo sa mga Amerikano nga na-expose ngadto sa virus, bisan og sila asymptomatic.
Misaad ang gobyerno sa Kenya nga ipadayon ang mga plano alang sa pagpatukod sa facility, sa rasong parte kini sa mas lapad nga paningkamot aron mapalig-on ang ilang emergency response systems.
