BUTUAN CITY- Mingtaliwan na ang Oscar-winning editor sa original Star Wars film nga si Marcia Lucas sa edad nga 80-anyos.
Gikasal si Lucas sa creator sa Star Wars nga si George Lucas niadtong panahon sa paghimo sa una sa tulo ka pelikula.
Sumala sa iyang pamilya nga ang pagtaliwan ni Lucas tungod sa metastatic cancer didto sa iyang panimalay sa Rancho Mirage, California.
Mingdaog kini sa Academy Award alang sa Best Film Editing niadtong tuig 1977 “Star Wars: A New Hope”.
Gipanganak kini isip si Marcia Griffin sa Modesto, California niadtong 1945 kung asa nagsugod ang iyang career isio film librarian human mahimong isa sa mga respetadong editors sa Hollywood.
Lakip usab kini sa mga pelikula ni director Martin Scorsese sama sa “Alice Doesn’t Live Here Anymore”, “Taxi Driver” ug “New York, New York”.
Mingbalik kini sa paghimo sa Star Wars kung naka-uban kini sa “The Empire Strikes Back” niadtong 1980 ug “Return of the Jedi” niadtong 1983.
