BUTUAN CITY- Padayon nga mipatigbabaw ang Team Caraga sa larangan sa arnis sa nagpadayon nga 2026 Palarong Pambansa human maka-angkon og 7 ka bulawang medalya, 1 ka silver ug 6 ka bronze medals.
Usa sa nakadani og atensyon nga delegasyon mao si Chinn Jo Auxtero, usa ka batang arnisador gkan sa Ampayon Central Elementary School sa Butuan City. Gi-ila si Auxtero isip usa sa mga atletang minghatag og unang bulawang medalya alang sa Caraga sa arnis event sa Palarong Pambansa 2026.
Gawas sa iyang 2 ka gold medal performance, nakakuha usab kini og bronze medal sa Likhang Anyo Double Identical Weapon category hinungdan nga mas gi-admire kini isip usa sa mga rising young athletes sa rehiyon.
Sa exklusibong pakighinabi sa Bombo Radyo sa iyang coach nga si Eldridge Troy Go nga bunga sa hugot nga pagbansay, disiplina ug pagtinabangay sa tibuok koponan ang kalamposan nga nakab-ot sa Team Caraga sa arnis competition.
Sigon pa ni Coach Go, nga dakong parte ang dedikasyon ug focus sa mga batang atleta aron mahatagan nila og dungog ang rehiyon sa nasudnong kompetisyon.
Samtang gi-ila usab niini isip nag-unang karibal sa Caraga sa arnis ang Central Visayas ug Northern Mindanao. Ang maong duha ka rehiyon naila sa ilang kusog nga artisador.
