BUTUAN CITY – Padayong gidomina ni Riley Maddeleign Alindogan, ang Grade 6 swimming sensation gikan sa Legazpi City, ang swimming events sa nagpadayong Palarong Pambansa sa Brgy Patin-ay, lungsod sa Prosperidad, Agusan del Sur, human gihakot kagahapon ang duha ka dugang gold medals alang sa Region V.
Nanguna ang Legazpeña golden girl sa 200 meter individual medley ug sa 200 meter freestyle competitions sa elementary girls’ division rason nga namintina niini ang iyang unstoppable streak.
Nakuha usab niya ang silver medal sa 50 meter breaststroke.
Sukad sa pagsugod sa swimming competition, naka-contribute na si Alindogan og lima ka mga gold medals alang sa Bicol region kondiin ang upat niini mga individual gold medals ug usa usab sa mixed relay.
Ang maong kalampusan maoy naglig-on sa iyang status isip usa sa mga standout athletes sa national karong tuiga.
