BUTUAN CITY- Gitanggal sa Korte Suprema ang tanang retirement benefits ni Luzviminda Hernandez, retired Clerk of Court II sa Municipal Trial Court sa Buenavista, Agusan del Norte, human mapamatud-ang nalakalapas sa serious dishonesty, falsification of official documents, ug gross misconduct ilawom sa 2025 Code of Conduct and Accountability for Court Officials and Personnel (CCACOP).
Base sa per curiam nga desisyon, si Hernandez nakigbahin sa usa ka kumbensyon sa Dipolog City gamit ang pangalan sa court stenographer nga si Maritess Yamba, bisan pa nga kini gisalikway ni Yamba. Nakit-an usab nga gi-manipula ni Hernandez ang iyang Daily Time Record aron ipakita nga anaa kini sa opisina ug nakabenepisyo usab kini sa tseke nga nagkantidad og P 11,448 nga alang unta kang Yamba.
Tungod compulsory retired na kini kaniadtong Oktubre 2024, dili na kini matangtang sa serbisyo apan gi-revoke ang iyang retirement benefits gawas sa naipon nga leave credits, ug gi-disqualify na usab kini sa tanang posisyon sa gobyerno ingon man sa government-owned or controlled corporations kon GOCCs
