BUTUAN CITY – Nagtuo si House Speaker Faustino “Bojie” Dy III nga ang 2026 Palarong Pambansa dapat mahimong inspirasyon aron daghang kabataang Pilipino nga nangandoy, naningkamot ug nagtuo sa ilang abilidad.
Sigon ni Dy, dako kaayo ang papel sa sports sa paghulma sa disiplina, kalig-on, ug liderato sa kabataan dungan sa pagklaro nga ang Palarong Pambansa dili lang kompetisyon paalang sa medalya apan usa usab ka pagsaulog sa kakugi, sakripisyo, teamwork, ug pagpaningkamot sa mga estudyanteng atleta gikan sa lain-laing bahin sa nasud.
Sumala pa ni Dy, daug na ang tanang mga misalmot tungod sa ilang dedikasyon ug paningkamot nga nakapadangat kanila sa nasudnong padula.
Gidani usab niya ang mga atleta nga makigkompetensya uban sa integridad ug dungog samtang nagrepresentar sa ilang eskwelahan, komunidad, ug rehiyon.
