BUTUAN CITY- Opisyal nang mobalik sa Pilipinas ang global phenomenal pop group nga BTS alang sa ilang most-awaited “ARIRANG” World Tour nga ipahigayon sa Philippine Sports Stadium sa Bulacan sa Marso 13 ug 14, 2027.
Gi-anunsyo sa local promoter nga Live Nation Philippines ang comeback tour sa BTS, nga gimugna nila Jin, RM, j-hope, Jimin, Suga, V, ug Jung Kook alang sa ilang Pinoy ARMY.
Mas exciting ang concert karung tuiga tungod magperform ang grupo gamit ang usa ka 360-degree stage setup nga maghatag sa mga fans og immersive ug mas lapad nga viewing experience.
Dungan usab sa anunsyo ang pagpagawas og official seat map, ug fan perks nga mas makapalipay sa mga ARMY nga dugay nang naghulat sa pagbalik sa grupo sa Pilipinas.
Lakip sa perks sa VIP Soundcheck ticket holders ang access sa pre-show soundcheck party, VIP laminate ug lanyard, early entry, early access sa merchandise, ug exclusive VIP gift.
Alang usab sa presale, kinahanglang mag-enroll una ang fans sa ARMY Membership Global sa Weverse Shop. Ang registration nagsugod na niadtong May 22 og mulongtad hangtud March 27 alas-10 sa gabi.
Ang ARMY Membership Presale gikatakda sa June 9 alas-11 sa buntag, samtang ang Live Nation Presale sa June 10 alas-11 sa buntag.
Samantala, ang general ticket selling magsugod sa June 11 alas-11 sa buntag pinaagi sa Ticketmaster Philippines.
