BUTUAN CITY- Gibasura sa Korte Suprema ang petisyon ni Senador Ronald “Bato” Dela Rosa nga minghangyo og Temporary Restraining Order (TRO) aron pugngan ang pagpatuman og arrest warrant gikan sa International Criminal Court (ICC).
Anaa sa 9 ka huwes ang mingpabor, 5 ang mingsupak ug usa ang nag-abstain.
Simala sa Korte, pakyas ang mga petisyuner nga pamatud-an ang ang iyang katungod alang sa dali-ang pagpagawas sa TRO.
Gawas niini, gibalibaran usab sa Supreme Court ang pag-isyu og status quo ante order batok sa mga respondent lakip ang Department of Interior and Local Government, Department of Foreign Affairs, Department of Justice, Philippine National Police, National Bureau of Investigation, Bureau of Immigration, Armed Forces of the Philippines, ug ang Criminal Investigation and Detection Group.
Samtang, giklaro usab sa Supreme Court nga ang gidesisyunan lamang niini mao ang hangyo alang sa interim relief ug ang nag-unang isyung gidala sa mga partido sa ilang pleadings ug mosyon wala pagihapon na resolba.
Samtang ang Department of Justice isip nag-unang nakapukos sa implementasyon sa arrest warrant nga gipangunahan ni Justice Secretary Fredderick Vida, gihatag na matud pa sa Office of the President ang mosunod nga anunsyu o pamahayag. Kahinumduman sa una niini nga pamahayag gisiguro niining respituhon ang mahimong sa Korte Suprema kalabot sa maong issue.
