BUTUAN CITY – Muabot sa hangtud usa ka milyon nga trabaho ang mahanyag ngadto sa mga Filipino human ang panagtagbo nila Presidente Ferdinand R. Marcos Jr. og United States Under Secretary of State for Economic Growth, Energy, and the Environment Jacob Helberg sa Malacañang.
Kini dungan sa pagpalig-on pag-usab sa hiniusang tinguha sa Pilipinas ug Estados Unidos alang sa mas lawom nga kooperasyon sa ekonomiya ug sa negosyo.
Misentro sa panaghisgot ang Luzon economic corridor (LEC), mga inisyatiba sa Pax Silica, pakigtambayayong sa pamuhunan ug teknolohiya, kooperasyon sa supply chain, ug uban pang importanteng prayoridad sa negosyo nga makaapekto sa duha ka nasod.
Gilauman nga ang LEC makahimo og hangtod sa isa ka-milyon nga trabaho alang sa mga Pilipino ug makatabang sa pagpalambo sa double-digit nga pagtubo sa ekonomiya sa nasod.
Nasayrang gisaulog usab sa Pilipinas ug Estados Unidos karung tuiga ang ika-80 nga anibersaryo sa ilang diplomatikong relasyon, ug ang ika-75 nga anibersaryo sa Mutual Defense Treaty nga nagpasiugda sa usa ka dugay nga panagtambayayong sa padayon nga nagpalapad sa seguridad hangtod sa pagtubo sa ekonomiya, kabag-ohan (innovation), ug hiniusang kauswagan sa duha ka nasod.
