BUTUAN CITY – Halos 20-mil ka mga activation sa voter’s registration ang natala sa Commission on Elections kon COMELEC-Butuan sukad kini gisugdan niadtong Oktubre ning mi-aging tuig hangtud kaganinang buntag, adiser ang deadline niini pasado alas-singko sa hapon.
May kalabutan kini alang sa umalabot nga Barangay ug Sangguniang Kabataan Elections nga gitakda karong Nobyembre 3 ning tuiga.
Sa eksklusibong pakighinabi sa Bombo Radyo Butuan, gipadayag ni city election officer Atty. Ganger Rañada, kinsa maoy nag-oversee sa voter registration ug election preparations, nga sa pagsugod sa rehistrasyon niadtong Oktubre 20 hangtud Disyembre ning mi-aging tuig 2025, nakatala sila og kapin sa 6,500 ka mga naproseso nga rehistrasyon nga gisundan sa kapin 9,800 niadtong Enero hangtud Marso ning tuiga ug sugod niadtong Abril hangtud kagahapon sa buntag, nakatala sila og kapin sa 3,600.
Dugang pa ni Atty Rañada, aktibo silang nakig-alayon sa mga barangay officials pinaagi sa ilang gilusad nga 130 ka mga adlaw nga satellite registration.
Mayoriya na matud pa sa mga barangay ning siyudad ang ilang nabisitahan alang sa maong katuyuan aron dili na mugasto og kwarta alang sa ilang pamilite ingon man dili na maggahin og dakong oras aron lang mu-adto sa ilang buhatan sa sentrong bahin ning siyudad.
