Nagpabilin nga alerto ug andam ang Department of Health (DOH) human sa deklarasyon sa World Health Organization (WHO) nga ang Ebola disease nga hinungdan sa Bundibugyo virus giila isip Public Health Emergency of International Concern (PHEIC).
Ang Bundibugyo usa sa upat ka klase sa Orthoebolaviruses nga makapahimo og sakit sa tawo, uban sa Ebola virus, Sudan virus, ug Taï Forest virus. Sa pamahayag ni DOH Spokesperson Albert Domingo, nahinumdom nga ang Pilipinas nakarekord og Ebola outbreak kaniadtong 1989, 1996 ug 2008, apan ang klase nga virus nga mingkuyanap mao ang Reston virus nga dili makaresulta og sakit sa tawo.
Ang WHO nagdeklarar sa PHEIC niadtong Mayo 17 human sa kapin 240 ka suspected cases ug 80 ang namatay sa Ituri Province sa Democratic Republic of Congo, ug duha ka kaso sa Uganda. Gipahimangnoan sa WHO nga ang Ebola makatakod pinaagi sa exposure sa lawas pinaagi fluids gikan sa infected nga tawo ug adunay mortality rate nga 80 hangtud 90 porsyento.
Ang mga nasud nga nagtapad sa DRC ug Uganda giingon nga taas ang risgo sa pagkaylap tungod sa kalihukan sa katawhan ug kalakalan, samtang gipasabot nga dili kinahanglan magpatuman og border restrictions nga walay basihang siyentipiko.
