BUTUAN CITY – Madawat na sa mga empleyado sa gobyerno apil na ang mga military ug uniformed personnel ang ilang mid-year bonus sugod niadtong Biyernes, Mayo 15.
Sumala sa Department of Budget and Management (DBM), katibuk-ang 73.456 bilyones pesos ang gigahin para sa mid-year bonus nga mapahimuslan sa kapin 1.9 milyones nga empleyado sa gobyerno.
Sigon ni DBM Secretary Rolando Toledo nga tukmang panahon ang pagpagawas sa mid-year bonus isip pag-ila sa administrasyon sa sakripisyo ug dedikasyon sa mga personahe sa gobyerno sa tibook nasud.
Ang mid-year bonus bugti sa usa ka buwang suweldo ug ihatag sa mga personahe nga nakatubag sa mga gitakdang basehanan sa ilalom sa DBM Budget Circular 2017-2 para sa mga regular nga empleyado, contractual ug casual workers.
