BUTUAN CITY- Minghinay ang dagan sa Philippine Stock Exchange index niadtong Biyernes human mikunhod og 0.64 porsyento ang Philippine Stock Exchange index o PSEi ngadto sa 5,976.77 tungod sa padayon nga paghuyang sa piso batok sa dolyar sa Amerika nga nakaapekto sa pagsalig sa mga investors.
Ang mas lapad nga All Shares Index mikunhod usab og 0.65 porsyento ngadto sa 3,371.41, diin ang sektor sa Mining and Oil maoy nakarekord sa labing dakong pag-ubos nga 2.52 porsyento, gisundan sa Financials ug Holding Firms.
Sumala ni Luis Limlingan, ang paghuyang sa lokal nga currency maoy hinungdan sa profit-taking activities human sa pagtaas sa merkado sa miaging adlaw. Sa laing bahin, ang piso misira sa 61.72 batok sa matag US dollar gikan sa 61.64 niadtong Huwebes, samtang mikunhod usab ang total trading volume ngadto sa US$1.199 billion gikan sa US$1.578 bilyon sa miaging adlaw.
