BUTUAN CITY- Walay nakita nga rason si Department of Justice Secretary Fredderick Vida aron pahamtangan og ‘suspensyon’ ang direktor sa National Bureau of Investigation nga si Atty. Melvin Matibag.
Sa pagpangutana sa Bombo Radyo sa maong secretary, gi-angkon niini nga gikonsidera sa departamento nga himuon o isyuhan og kamaduan ang opisyal. Ang maong pamahayag human ming-apela si Senate President Alan Peter Cayetano nga suspendihon usab si Dir. Matibag human mag-isyu ang Office of the Ombudsman og ‘preventive suspension’ kang Acting Senate Sergeant-at-arms Mao Aplasca.
Pagkalro usab niini nga dili sakop sa gahom sa ahensya ang pahamtangan og suspensyon ang direktor sa departamento kalabot sa natigayong pinusilay sa Senado.
Si Acting Senate Sergeant-at-arms Mao Aplasca, gisuspende sa Ombudsman og unom ka bulan aron maghatag og dalan sa imbestigasyon sa nahitabo nga mga insidente sa Senado karung simanaha.
Gawas sa suspensyon nga gi-isyu ni Ombudsman Jesus Crispin ‘Boying’ Remulla, nagtuo ang abogado nga si Atty. Israelito Torreon nga dili sakop sa gahom niini nga suspindihon si Aplasca.
Pag-insistar niining, sayop kini tungod ang Sergeant-at-arms,base sa mga lagda sa senado gi-ila isip usa ka ‘elective officer’ ug dili basta-basta ‘appointed officer’.
