BUTUAN CITY – Gipaluhod ni Filipino mixed martial artist Lito Adiwang ang grapler nga si Eko Roni Saputra sulod lang sa 34 segundos sa ilang away.
Wala na gidugay-dugay pa sa Pinoy star ang iyang kontra kondiin sa pagsugod pa lang sa away, sunod-sunod na siyang nagbuhi og mga punch combination aron tapuson ang away sulod lang sa mubo nga panahon hinungdan sa pagkahagba ni Saputra kansa gisundan pa ni Adiwang og bag-ong combination shots, apil ang dominanteng ground-and-pound.
Wala makabalos ang Indonesian wrestling champion hangtud nga kinahanglan nang ihunong ang away nga milungtad lang og 34-segundos.
Adiser ang away, kinahanglan pa ni Adiwang nga musaka sa 140-pound catchweight ug wala niini panumbalinga ang weight adjustment alang sa mas taas nga division.
Taliwa sa kada-ugan sa Pinoy champion, wala usab na-aapektuhan ang bantamweight division rankings sa One Championship tungod kay plano niyang mubalik pa gihapon sa flyweight division.
Bisan pa man, posibleng mahimong basehan kini alang sa mga musunod niyang away ilalom sa flyweight category.
Mahimong i-agbat sa Pinoy MMA fighter ang mga anaa sa top-5 flyweight division.
