BUTUAN CITY – Gikwestiyon ni Senador Imee Marcos ang desisyon sa Office of the Ombudsman sa pagsuspende kang Senate Sergeant-at-Arms Mao Aplasca human ang buto-buto sa armas sulod sa Senado niadtong Miyerkules, Mayo-13.
Madumdumang unom ka buwang gisuspende ni Ombudsman Jesus Crispin Remulla si Aplasca, duha ka adlaw ang milabay human ang kontrobersiyal nga pagpamusil.
Birada ni Senador Imee Marcos, angayan usab nga suspendihon sa Ombudsman si National Bureau of Investigation (NBI) Director Melvin Matibag ilabina nga usab-usab ang pamahayag niini kalabot sa insidente, kansa klarong inconsistensies sa panig sa NBI.
Kwestyon pa sa presidential sister, dakong kwestyon kung nganong wala gisuspende ang NBI chief nga nangulata sa tawo sa Office of the Sergeant at Arms sukwahi sa gihimo nila sa Senate security chief.
Wala gisalindot sa senador ang posibilidad sa pamulitika sa natigayong tensyon sa Senado.
Unang gi-angkon ni Aplasca nga siya ang unang nagpabutok sa Senado isip ‘warning shot’ laban sa mga ahente sa NBI ilabina human nadunggan nga duna’y nagbarina sa bungbong sa kasikbit nilang Government Service Insurance System kon GSIS building.
