BUTUAN CITY – Usa ka talagsaon og kulba-hinam nga pagpakita og kusog ang gipakita sa usa ka circus performer gikan sa Finland nga nailhan isip “The Baron,” human niya makuha ang Guinness World Record para sa titulong “heaviest vehicle pulled by the nipples sa lalaki.
Sa usa ka sikat nga show sa Germany niadtong Agosto sa nakalabay nga tuig, malampusong nabira ni The Baron ang usa ka karwahe nga mitimbang og 990 kilos nga bugti sa kabug-at sa duha ka grand piano.
Nakasab-it ang bug-at nga kadena sa mga puthaw nga nakatusok sa mismong mga atngal o nipples sa lalaki.
Gipildi niya ang kanhe world record nga 988.5 kilos nga gihawiran sa usa ka Amerikano.
Gawas niini, gikuptan usab ni The Baron sulod sa kapin usa ka dekada ang record para sa pinakabug-at nga butang nga gibira gamit ang atngal o nipples, nga nagpamatood nga gibansag kaniyang world’s strongest nipples”.
