BUTUAN CITY- Gipasiugda sa Palasyo Malacañang ang lig-on nga panawagan ni President Ferdinand “Bongbong” Marcos Jr. alang sa pagpanalipod sa kaayohan ug mental nga panglawas sa mga estudyante human sa pormal nga paglunsad sa Learners TeleSafe Contact Center Helpline sa Department of Education (DepEd) nga gipangulohan ni Secretary Sonny Angara.
Ang maong helpline, nga ma-access pinaagi sa #33733 ug konektado sa National Center for Mental Health Crisis Hotline, naghatag og dali nga tabang gikan sa mga eksperto sa mental health alang sa kabataan nga nag-atubang og krisis.
Gipahibalo usab ni Palace Press Officer USec. Claire Castro, nga ang mga ginikanan, paryente, ug estudyante nga nanginahanglan og tabang mahimong motawag sa 0945-175-9777 o mag-email sa weprotectlearners@deped.gov.ph. Ang maong inisyatibo nagpakita sa direktiba sa Presidente nga himoong prayoridad sa nasud ang kaluwasan ug kahimsog sa mga kabataan.
