-- ADVERTISEMENT --
BUTUAN CITY- Mipasi-daan si Chinese President Xi Jinping kang US President Donald Trump nga posibleng moresulta sa “giyera o grabe nga komprontasyon” ang duha ka nasud ugaling masayop sa lakang kalabot sa isyu sa Taiwan.
Gibuhi-an sa Chinese President ang ang ma-isugon nga pamahayag sa ilang pormal nga summit meeting ni Trump sa Great Hall of the People sa Beijing.
Sa iyang pamulong, gihatagan og ginbug-aton ni Xi ang hisgutanan sa Taiwan nga pinakasensitibo ug pinaka-importanteng isyu sa relasyon sa US ug China.
Sumala sa taho sa mga media sa China, sigon ni Xi nga kung dili husto ang pagdumala sa maong isyu, mabutang sa “grabe ka delikado na sitwasyon” sa relasyon tali sa duha ka gamhanang nasud.
