BUTUAN CITY – Malampusong na-rescue ang 16 ka pasahero usa ka motorbanca nga nagkaproblema ang makina samtang anaa sa kadagatang sakop sa Hagonoy Island, Bislig City, Surigao del Sur kagahapong aldawa.
Base sa impormasyong nakuha gikan sa Philippine Coastguard kon PCG-Coastguard Station Surigao Del Sur, daling mihimo og pagresponde ang mga personahe sa Coast Guard Sub-Station Bislig human gipaabot ang impormasyon sa nagkaproblema nga motorbanca.
Pinaagi sa daling aksyon ug koordinasyon sa Coast Guard, ang distressed motorbanca ug 16 niini ka pasahero ang malampusong natabangan samtang ang motorbanca ang luwas usab nga nabira padulong sa baybayon.
Kining operasyon nagpakita sa padayon nga paningkamot sa Philippine Coast Guard sa pagpanalipod sa mga kinabuhi sa kadagatan ug pagsiguro sa kaluwasan sa paglawig sulod sa ilang Area of Responsibility
