BUTUAN CITY – Gipahayag sa Iran nga napadala na niini ang tubag sa mga proposal sa United States aron tapuson ang gubat.
Sigon ni Pakistan’s Prime Minister Shehbaz Sharif ang nagsilbing tigpataliwala, nga ilang nadawat ang tubag sa Iran apan dili sila makahatag og detalye niini. Wala usab siya mibutyag kung napasa na ba kini ngadto sa US.
Nasayrang wala na usab gipadayag sa US ang kumpletong detalye sa ilang proposal, apan sumala sa mga taho, nagtuyok kini sa usa ka 14-point memorandum of understanding nga mahimong mosangpot sa negosasyon kabahin sa nuclear ambitions sa Iran.
Ang ceasefire nga gituyo aron mapadali ang pakigpulong sa pagtapos sa gubat nga gisugdan sa US ug Israel niadtong Pebrero, nasunod bisan paman sa panalagsang pagbinayloay og pag-atake.
Sa usa ka news outlet sa US nagtaho nga ang usa ka palid nga 14-point memo sa US naglakip sa mga probisyon sama sa pagsuspenso sa Iranian nuclear enrichment, pagtangtang sa sanctions, ug pagbalik sa gawasnong pagbiyahe sa Strait of Hormuz.
Kini gibase sa duha ka opisyal sa US ug duha pa ka wala ginganlan nga dunay kahibalo sa maong isyu.
Ang Iranian news agency usab mibutyag nga ang tubag sa Iran nagpunting sa “pagtapos sa gubat ug maritime security” sa Gulf ug sa Strait of Hormuz.
