BUTUAN CITY- Gibawi sa Sandiganbayan Third Division ang pagpagawas og desisyon sa managlahing petisyon alang sa piyansa ni kanhi senador Ramon “Bong” Revilla Jr. ug unom niining co-accused sa kasong malversation of public funds.
Ang kaso adunay kalabotan sa maanomalyang P92.8-million flood control project sa Pandi, Bulacan.
Sumala sa korte, gipalugwayan og 30-araw ang pagresolba sa mga petisyon sugod Mayo 7, 2026, tungod sa daghan og mga rekordug at testimonya nga ilang repasuhon.
Sumala sa pamahayag ni Atty. Dennis Pulma, clerk of court sa Third Division, kinahanglan sa korte og dugang nga panahon tungod sa lapad nga mga dokumento ug transcript sa testimonya sa mga saksi.
Gipa-ambit usab nga adunay gidugang nga gisumiting dokumento human ang kataposang hearing niadtong Abril 24, lakip ang managlahi nga petisyon ug memorandum gikan sa pipila ka mga akusado.
Lakip sa mga co-accused ni Revilla, kanhi opisyal ug engineer gikan sa Department of Public Works and Highways, ingon man ang pipila ka accountant nga gi-ingong nalambigit sa proyekto.
